نعم تكلمت مع جني وتحاورت معه

0
في احدى زياراتي لبعض الدول ... كان معي صديق احبه .. وكنت اهضم سوالفه غصب .. فلا شكل مقبول .. ولا حرف مفهوم .. ولا سنع ولا منع ..  ولا قبله نحبها فيه .. ولا انصراف تفقده  .. ومع هذا احبه .. القلب وما يهوى ... ... قال لي ... وش رايك نروح عند وحده .. فزعت ... وقلت له .. اي وحده .. فرد وقال .. وحده تتعامل مع الجن ..

سكت .. ولم ارد على الفور ... قولبت الموضوع براسي ... بصراحه ... انا  من زمان افكر اني اقابل شخص يتعامل مع الجن .. ودي اعرف وشلون يتعامل مع الجن .. ودي اسمع افهم اهضم اطالع اشوف .. فوافقت ... ورحت معه ... هي حرمه عجوز .. تسكن في شقه متواضعه .. تحت الدرج مباشرة .. سلمنا عليها وجلسنا واحضرت ابنتها قهوه ..

بصراحه ..  ماشربتها خفت .. وتقلصت بمكاني ... وابي اشوف .. ابي اعرف ... وشلون هالجني يطلع جدامي .. جلست الحرمه .. وسألت صديقي وش يبي منها .. قال لها ... انا عندي زوجه نسره قالبه بيتي قلب .. طالعته بغضب .. وشلون يفضح اسرار بيته .. ففهم نظراتي ... وطلب مني انتظر .. المهم الحرمه .. اغمضت عيونها وخذت تتكلم بكلام غير مفهوم ..

وفجأة سمعت راسها يتكسر .. وجلد راسها ينتفخ .. اورام .. اورام  لدأت طلعت في راسها .. خفت .. وقلت ... هالحرمه ان ماتت بيروح مستقبلي .. وانا كنت وقتها رابعه جامعه .. بس عنادي وحبي للعلم  ... خلاني اجلس انتظر 

كنت اطالع راسها وهي لافته بالحجاب .. وطالع جبهتها وهي تتورم وتكبر .. واستغرب ... وشلون تطلع هذه الاورام بالاوامر .. مستحيل يطلع ورم بهذه السرعه .. جلست ... وانا اهتم ومهتم بكل حركه تسويها .. وفجأة ... هدأت .. وارتخى كل جسدها .. ثم فتحت عيونها .. وقالت ... بصوت رجل اجش .. السلام عليكم ..

ماردينا عليه .. انا مارديت لاني كنت مدهوش مستغرب ... وفي قمة انفعالاتي .. اما صديقي ... فانه مارد لانه خاف لدرجه ان سيجارته طاحت على ملابسه .. ثم نظر لنا .. وأشر على صديقي .. وقال له .. انت صاحب المشكله .. فهز صديقي راسه .. فقال له الجني .. قول لرفيجك ( اللي اهو انا ) خله يطلع بره .. فخاف رفيجي وتمسك فيني .. وقال للجني ... ابدا والله مايطلع ... هذا مثل اخوي ..

فسكت الجني ... وقال له .. مشكلتك واضحه مع زوجتك ... والسبب هو ان زوجتك ( ...... )  فصعقت .. وحسبت ان الدنيا دارت فيني ... وتمنيت وقتها .... لو ماكنت معه .. فهز صديقي راسه موافق على كلام الجني .. فسألته بدون شعور .. هل كلام هذا الجني صحيح .. فرد نعم صحيح .. وقال له الجني .. انت سترت فاما ان تستمر معها او تسرحها باحسان ..

نظرت للجني .. وسألته ... انت من الجن المسلمين .. قال نعم .. قلت له ... وين ساكن  ... قال في مكه .. قلت له ...  وشلون تدش في هاذي الحرمه .. قال ... انا مادش بجسمها ... ولكني اسيطر على شعاعها .. قلت ..  ان كنت مسلم ... فانت تعلم ان الغيب لا يعرفه الا الله سبجانه ... قال الجني .. نعم هذا صحيح ... فقلت له ... وكيف عرفت سر صديقي .. قال ... نحن منتشرون  .. ولنا قمت لعمابة اعرف من خلالها الماضي .. لكننا لا نعرف  المستقبل 

قلت له ... ان كنت تسيطر على شعاعها ... فكيف اسمع تكسير عظام راسها ... وتورم جبهتها .. فقال ... حملي ثقيل عليها وهذا الصوت اللي تسمعه ليس صوت عظامها ... ولكنه صوت اخر لن تفهمه يخرج من هذا المكان .. قلت له .. هل تراني .. قال نعم .. قلت له ... هل تستطيع ان تسيطر علي ... قال لا .. نحن مثلكم .. لدينا جن علماء يمكنهم فعل هذا الامر .. ولدينا جن يعلمون شيئا ويغيب عليهم اشياء كثيرة .. قلت له .. اذن كيف سيطرت على شعاع هذه المرأة ..  فقال ... اختل شعاعها فتمكنت منها 

ولم اكمل معه  ... حيث سحبني صديقي من كتفي ...  وقال لي .. وهو مصفر وجهه .. يارجال قم تبيه يتلبسنا الحين .. فضحك الجني وقال اب ... قم معه .. فنهضت ... وقبل ان اصل للباب ... سمعت صوت عظام راسها يتكسر فرجعت انا وصديقي ... وبعد ان انتهت الحاله لديها .. جلست بارهاق شديد جدا .. فسألها صديقي ... جنيج راح .. قالت اي .. قال اجل قولي لبنتج خل تجيب الدله كلها .. قلت لها يارجال ذيل يشربون قهوه تركي ... قال ... تركي الماني هندي ابي قهوه .. راسي بينفجر ... 

المهم بعد ماطلعنا ... قال صديقي  ... استر على ماسمعت ياخوي .. قلت .. وانا وش سمعت انا كنت اراقب هالجني وهو ينكلم .. وبعدها اخذت ادرس هالموضوع .. ماكو كتاب يتكلم عن الجن الا قريته ... ولا فيه موضوع او اشارة للجن الا قريته ونبشته .. وعرفت .. عرفت ان الجن لديهم قدرات ماهي موجودة عندنا .. فالله سبحانه عطاهم قدرات نعجز عنها .. فهم يقطعون المسافات بلمح البصر .. ... ويمكنهم استحضار المعلومات بلمح البصر .. ويمكنهم تقمص الشخصيات بسهوله ..

 لكن ... انبتهوا معي .. مثلا الجنيه ممكن تقلب نفسها .. اي تتحول وتسوي روحها من البشر ... وممكن تمارس الجنس مع البشر .. لكن لن تحمل على الاطلاق .. ليه .. لان تقمصها هو تقمص ظاهري .. يعني البطن اللي يشوفه الشخص مافي داخله شي .. لا معده ولا مصارين ولا رحم .. انما هي وش وسوت ... يعني ماذا فعلت .. عي رسمت شخصية تقمصتها ... وهو ان لمسها فهو يلمسها بشخصيتها الحقيقيه ... لكنه لا يراها .. اي لن يراها بشخصيتها الحقيقية .. لان شخصيتها الحقيقية تهتز مثل المروحة السريعة .. فهي تستمتع به بطريقتها ... وهو يستمتع بها بطريقته ..

والجن ممكن ينقلبون قطط .. لكن انتبهوا .. الجني اذا تقمص صورة قطوه ... فهو في هذه الحاله يحمل كل خصائصها .. لكنها خصائص ظاهرية ..حيث تبدو من شكلها العام كحقيقة .. يعني بتبيسط اوضح هو قط من حيث الظاهر يمكنه ان يتسلق ويقفز ويعاشر القطط  الخ .. وبذات الوقت يقع عليه كل الاخطار المحيطة بالقطط .. لذلك الجن اللي ينقلبون بصورة قطو اسود .. اذا شافوا البشر ينحاشون ( يهربون ) .. ليه .. لانهم يعرفون ان لو هذا الشخص حذفهم ( رماهم ) بصخرة قويه  .. ممكن يقتلهم .. والجن اعمارهم اطول من اعمار الانسان .. لذلك لا يغامرون حتى يقذفهم بهذا الحجر 

ليست هناك تعليقات:

إرسال تعليق

جميع الحقوق محفوظه © أجنحة وقلوب

تصميم الورشه