هناك شيئا قريب منه

0
في احدى الليالي الشتوية دخلت مكتب ابوي واخذت كتاب وجلست اقرأ .. وابوي جالس على كرسي مكتبه ...  يستمع لاغنية  فيروز .. وهي تقول حبيتك في الشتي حبيتك بالصيف .. فضحكت .. وانا اقرأ .. لم يهتم ابوي لضحكتي ... ولكنه نظر اللي مطولا

 ثم خفض صوت الراديو .. وسألني .. احنا ( نحن ) في اي شهر .. قلت له شهر يناير .. قال .. يعني احنا في عز البرد .. قلت .. صح .. قال ... تحبني .. فاستغربت .. واخفضت الكتاب .. وقلت له .. طبعا يبه احبك .. قال .. والصيف الماضي كنت تحبني .. قلت .. طبعا احبك في كل الفصول .. فابتسم وقال .. الحين من هو اللي لازم يضحك .. انا ولا انت .. قلت .. يعني شنو .. قال .. فيروز ذكرت الصيف والشتا وانت ذكرت كل الفصول .. ترى فيروز صح .. وللا انت صح ..  فسكت

 قال .. الحب يابني لو تقعد توصفه ماتقدر .. لكن ممكن نقول ان احنا نحبك في الصيف ونحبك في الشتا .. وهذا المعنى يسحب معه كل الفصول .. وكل الاوقات .. وكل الثواني .. وين الغلط اللي خلاك تضحك .. قلت .. طالما اني احبك بكل الفصول ... فاقول احبك وخلاص .. فنظر اللي .. وقال .. ماتفتكر يجي يوم وتكره شخص تحبه

 قلت .. ممكن طبعا .. قال ..  وش اللي يفرق بين الحب ووصفه وبين الحب ومثاليته .. انت ماتحب شخص يمتدح كلامك فيقول لك احب اسمعك  .. قلت .. طبعا .. قال .. هذا حب .. لكنه ضمن حب عام افصح هذا الشخص عن بعضه .. وفيروز في كلماتها حب عام افصح الشاعر عن بعضه فحدد الشتا والصيف ... ممكن هذا وللا لا .. قلت .. ممكن .. قال...  وهو يرفع صوت الراديو معلنا انتهاء الحوار معه .. انا ودي اعرف انت درست شنو ... ثم رفع صوت الراديو اكثر حتى لا يسمع ردي الشيء اللي ماسمعه ابوي مني اني اللي اعرفه عن الحب مجرد اداة محفوظة ممكن اثارتها في يوم من الايام

الحب المطلق اللي تكلم عنه ابوي .. لا يوجد .. وانقلبت المفاهيم واصبحت فرعيات الحب هي الاساس ومادةالحب الاساسية هي الفرع .. فكثير من الناس بحبون المال ويحبون الذي عنده مال .. لكن اساسيات الحب مفقودة .. لان متى ماذهب المال والسلطة ذهب الحب .. وخذ من هذا كل اللي ينسحب على المال وغيره .. لا حب بدون مشاعر .. ولا مشاعر بدون حنين وشوق .. ولا شوق بدون اخلاص ووفاء .. يالله وش كثر يطول الموضوع لو تكلمنا فيه ..

ليست هناك تعليقات:

إرسال تعليق

جميع الحقوق محفوظه © أجنحة وقلوب

تصميم الورشه