كبت امي

0
كتبت ذات يوم هنا .. اني اكثر الناس ترددا .. واني اميل للتمغط والتطول .. والتعريض والتمطيط .. لين يخلص الشي وانا ماخلصت .. واليوم وحتى هذه الساعة كتبت عنوانين لسهرة الليلة  ..  الاولى ... كانت عن سر خطير في العلاقات الخاصة بين الرجل والمرأة .. ثم .. ترددت .. ونظرت .. ودرست .. وفكرت .. ثم قررت شطبه .. وكتبت اعلانا ثانيا .. وهو  ... سلة ميوه في كبت امي .. لكن .. قولبتها .. وحستها .. ودرتها .. فقررت شطب السهرة .. ليه .. اقولكم السبب ...

السهرة اللي في العنوان الاول .. سيترك اثرا في نفوس القراء .. وبالتالي لا يمكني بان ازودهم بكل المعلومات .. ليه .. لان عشان اكتب هذه المعلومات .. لابد وان يكون  لديهم .. يعني القراء .. او الزوار .. علم بالتشريح .. وعلم بالاعضاء .. وعلم في التجانس .. وعلم بالجهاز التناسلي .. وعلم بالمعي المستقيم .. و.. و .. و .. وهذا كله لا يمكن ان يملكه الجميع .. ولا ادعّي باني أملكه

السهرة الثانية .. هناك ترابط بين سلة ميّوه كاتبتنا المبدعه .. وبين سلة ميوة امي اللي بكبتها .. وعشان نفك هذا الانفصال .. احتاج لمقدمه .. وانا حتى اكتب مقدمة .. هذا يعني .. بطولها .. وبعرضها .. وبروح يمين ويسار .. ويسار ويمين .. وبالتالي .. يضيع الموضوع الاصلي وانا بعد ماخلصت .. لذلك قررت .. بان تكون السهرة  .. عن .. كبت امي

وبالمناسبة هناك كبت في بلوجر .. وهو كبت الكاتبة ميّ .. بس هذا كبت لكتبها .. يعني ماله علاقه بموضوعنا .. مع ان هناك اشاعة قوية في بلوجر تقول .. ان هالكبت مال امها يعني مو كبتها .. ماعلينا نرجع لموضوعنا ..

كبت امي من النوع القديم الحديث .. صناعة مصرية قديمة رائعة .. ومن دمياط تحديدا .. في البداية ماكنا نهتم في هذا الكبت على الاطلاق .. ولا فكرنا فيه .. كان كبت وخلاص .. لكن بعد ظهور سالفة كبتات امي .. فوجئنا بان كبتها ارتفع سعره .. وغلا ثمنه .. واصبح يشكل ثروة هائلة لها 

الكل قام يتقرب منها والكل يبي ودها عشان شنو .. عشان كبتها .. تليفونات ومسجات وزيارات وهرج ومرج .. والكل يبي يشوف كبت امي .. فقررنا انا وابوي .. مع انه مريض .. لكن رأيه مهم .. بان نسوي عليه تأمين .. خوفا من السرقه او التلف او الحريق .. لكن شركة التأمين رفضت .. قالت في تبرير رفضها .... اليوم كبت الام اصبح سلعة غالية .. مانقدر نأمن عليها ..

غريبه هالدنيا .. مع ان كبت الكاتبة الرائعة الزين مو مسويه عليه اي تأمين ... وفيه كل قصصها الرائعة .. السبب معروف بالطبع  .. لانه كبتها الخاص مو كبت أمها .. لو كان كبت امها .. كان ثمنه ارتفع .. كل واحد يخلي باله من كبت امه ... وياما بنشوف 


ليست هناك تعليقات:

إرسال تعليق

جميع الحقوق محفوظه © أجنحة وقلوب

تصميم الورشه